მოდელი თაკო ჩხეიძე კვლავ ყურადღების ცენტრშია თავისი ახალი ფოტოებით, რომლებიც “N13 Summer Presentation”-ზე გადაღებულა. ვარდისფერი კაბით გამოწყობილი თაკო არაჩვეულებრივად გამოიყურება და გამომწერებისგან უამრავი კომპლიმენტი დაიმსახურა. ღონისძიებას ასევე ესწრებოდნენ საღომე ღვინიაშვილი, რუსა ჩაჩუა, ჯანეტ ქერდიყოშვილი და სხვა ცნობადი სახეები.
თაკო ჩხეიძე 1981 წელს თბილისში დაიბადა და სამოდელო კარიერა 1995 წელს, 14 წლის ასაკში, სამოდელო სააგენტო „ნატალიში“ დაიწყო. მალევე მიიპყრო ყურადღება საერთაშორისო სამოდელო ინდუსტრიაში და მუშაობა დაიწყო ნიუ-იორკის „IMG Models“ და პარიზის „Viva Model Management“-თან. 2006 წელს დააარსა საკუთარი სამოდელო სააგენტო „ჯეომოდელსი“, რომლის ხელმძღვანელიც დღემდე თავად არის.
თაკო ჩხეიძის კარიერა წარმატების მაგალითია, რომელიც აერთიანებს საერთაშორისო გამოცდილებას და ადგილობრივ ინიციატივას, რაც ხელს უწყობს საქართველოს მოდის ინდუსტრიის განვითარებასა და პოპულარიზაციას.
