Herbalife „ოქროს ბრენდის“ გამარჯვებული ზედიზედ მეხუთე წელს გახდა. კომპანიამ ჯილდო „დაბალანსებული კვების“ კატეგორიაში მიიღო, რაც მისთვის მნიშვნელოვან თარიღს დაემთხვა — Herbalife საქართველოში საქმიანობის 15 წელს აღნიშნავს. კომპანიის წარმომადგენლების შეფასებით, ეს შედეგი მომხმარებლების ნდობასა და ადგილობრივ ბაზარზე წლების განმავლობაში განხორციელებულ საქმიანობას ასახავს.
Herbalife საქართველოს ბაზარზე 2011 წელს გამოჩნდა. თავდაპირველად მისი საქმიანობის მთავარი მიმართულება კვების პროდუქტების შეთავაზება იყო, თუმცა წლების განმავლობაში კომპანიამ საკუთარი საქმიანობა გააფართოვა. დღეს ის მომხმარებლებს პროდუქტებთან ერთად სხვადასხვა ველნესპროგრამას, კვებასთან დაკავშირებულ კონსულტაციებსა და მხარდამჭერ საზოგადოებაში ჩართვის შესაძლებლობასაც სთავაზობს.
კომპანიის ინფორმაციით, საქართველოში Herbalife-ის დამოუკიდებელი პარტნიორების რაოდენობა უკვე 2 000-ს აღემატება. მისი საქმიანობა 15-ზე მეტ ქალაქს მოიცავს, სადაც ჯანსაღი ცხოვრების წესის კლუბები და სხვადასხვა ინიციატივა ფუნქციონირებს. მომხმარებლებისთვის ასევე ხელმისაწვდომია ონლაინპროგრამები და წონის მართვასთან დაკავშირებული მარათონები, რამაც კომპანიის სერვისებით სარგებლობა რეგიონებშიც უფრო მარტივი გახადა.
Herbalife-ის კავკასიის რეგიონის ბიზნესის განვითარების უფროსი მენეჯერის, ირაკლი ჩაჩანიძის განცხადებით, „ოქროს ბრენდის“ ჯილდოს მეხუთედ მიღება კომპანიისთვის როგორც მომხმარებლების, ისე სფეროს სპეციალისტების მხრიდან მნიშვნელოვანი აღიარებაა. მისი თქმით, წარმატებაში განსაკუთრებული წვლილი დამოუკიდებელ პარტნიორებსა და მომხმარებლებს მიუძღვით, რომელთა ნდობაც კომპანიას საქმიანობის გაგრძელებისა და ახალი მიმართულებების განვითარების მოტივაციას აძლევს.
საქართველოში Herbalife-ის პროდუქციის პორტფელი 30-ზე მეტ კვებით პროდუქტსა და კოსმეტიკურ საშუალებას აერთიანებს. კომპანიის ერთ-ერთ ყველაზე ცნობილ პროდუქტად პროტეინის კოქტეილი Formula 1 სახელდება, რომელიც რამდენიმე გემოთია წარმოდგენილი. მომხმარებლებს ასევე სთავაზობენ Formula 1 Express-ის ბატონსა და კანის მოვლისთვის განკუთვნილ Collagen Skin Booster-ს. კომპანია ხაზს უსვამს, რომ პროდუქციის გაფართოებისას ცდილობს გაითვალისწინოს კვების, სილამაზისა და საერთო კეთილდღეობის მიმართ მომხმარებელთა ცვალებადი ინტერესები.
Herbalife განსაკუთრებულ ყურადღებას პროდუქციის ხარისხის კონტროლზეც ამახვილებს. კომპანიის მიერ გავრცელებული ინფორმაციის თანახმად, მას მსოფლიოს მასშტაბით ოთხი საწარმოო ობიექტი და 18 ლაბორატორია აქვს, რომელთაგან რვა უშუალოდ ხარისხის შემოწმებაზე მუშაობს. ყოველწლიურად ასიათასობით შიდა ტესტი ტარდება, რათა შემოწმდეს ინგრედიენტების სისუფთავე, კვებითი ღირებულება და შესაბამისობა მოქმედ სტანდარტებთან.
კომპანია ციფრული მიმართულების განვითარებასაც აგრძელებს. ერთ-ერთ ახალ პროექტად Pro2col სახელდება — ციფრული ველნესპლატფორმა, რომლის მიზანი მომხმარებლებისთვის უფრო პერსონალიზებული გამოცდილებისა და ინდივიდუალურ საჭიროებებზე მორგებული რეკომენდაციების შეთავაზებაა. პროექტში ფინანსური ინვესტიცია Herbalife-ის გლობალურმა ბრენდამბასადორმა, ცნობილმა ფეხბურთელმა კრიშტიანუ რონალდუმაც განახორციელა.
Herbalife საქართველოში სპორტულ და სოციალურ საქმიანობაშიც მონაწილეობს. მისი გუნდი რეგულარულად ერთვება თბილისის მარათონში და მხარს უჭერს სხვადასხვა საზოგადოებრივ ინიციატივას. 2026 წლიდან კომპანიის დამოუკიდებელმა პარტნიორებმა საქველმოქმედო საქმიანობაც განაახლეს, რომელიც თბილისის ერთ-ერთი ბავშვთა სახლის დახმარებით დაიწყო.
„ოქროს ბრენდი“, რომელიც 2005 წლიდან ტარდება, საქართველოში ერთ-ერთ ცნობილ ბიზნესდაჯილდოებად მიიჩნევა. გამარჯვებულების შერჩევაში სფეროს ექსპერტები, მეცნიერები და მომხმარებლები მონაწილეობენ. Herbalife-ის ზედიზედ მეხუთე გამარჯვება კი აჩვენებს, რომ კომპანია ქართულ ბაზარზე პოზიციების შენარჩუნებასა და საქმიანობის ახალი მიმართულებებით გაფართოებას აგრძელებს.
