წელს “მის სამყაროს” კონკურსი განსაკუთრებულ ყურადღებას იპყრობს – მისი ერთ-ერთი მონაწილე 59 წლის ქალბატონია, რომელსაც ჭაღარა თმა აქვს და ახალგაზრდული სტანდარტებისგან სრულიად განსხვავდება. ამერიკელი ვერა ვან ერისი არა მხოლოდ ასაკობრივი ბარიერების გადალახვას ცდილობს, არამედ მსოფლიო სილამაზის ინდუსტრიის შეხედულებებსაც ებრძვის.
ვერა პროფესიონალი თერაპევტია და მოდის სფეროში მისი გამოჩენა ბევრისთვის მოულოდნელი აღმოჩნდა. მისი მიზანი უბრალო ტიტულის მოპოვება კი არა, არამედ იმის დემონსტრირებაა, რომ სილამაზე არ იცნობს ასაკს. „ჭაღარა თმა ჩემი ძალაა, არა სისუსტე“, — ამბობს ვერა.
მის სამყაროს სცენაზე მისი გამოჩენა უკვე განხილვის მთავარი თემა გახდა. ბევრი თვლის, რომ ის შთაგონებაა იმ ქალებისთვის, ვინც ასაკის მატებასთან ერთად მოდის სამყაროში საკუთარი ადგილი დაკარგულად მიიჩნევს.
წელს მისი მონაწილეობა მხოლოდ კონკურსის ნაწილი კი არა, არამედ მოძრაობაც არის — ცვლილებებისკენ მიმართული ნაბიჯი, რომელიც სტერეოტიპების დამსხვრევას ისახავს მიზნად.
