4 ივლისს ზუსტად ექვსი წელი გავიდა იმ მძიმე დღიდან, როდესაც ქართველმა საზოგადოებამ დაკარგა საყვარელი ტელეწამყვანი და მსახიობი — გიორგი გოგიჩაიშვილი. მისი გარდაცვალება 2019 წლის 4 ივლისს, მძიმე ავადმყოფობის შემდეგ, საზოგადოებისთვის დიდ ტრაგედიად იქცა.
გიორგი გოგიჩაიშვილი წლების განმავლობაში იყო არა მხოლოდ წარმატებული ტელეწამყვანი, არამედ არაერთი თაობისთვის სამაგალითო ფიგურა. მას უამრავი ბავშვი იცნობდა როგორც “ბასტი-ბუბუს” წამყვანსა და პროექტის დამფუძნებელს. გიორგი იყო იმ ტელეგადაცემებისა და ღონისძიებების სახე, რომლებიც ბავშვებს სიხარულსა და დადებით ემოციებს სთავაზობდა.
გარდაცვალების დღეს გიორგის მეუღლემ, ნათია ბანძელაძემ, სოციალურ ქსელში ემოციური პოსტი გამოაქვეყნა, სადაც გულწრფელად გაიზიარა თავისი გრძნობები და კიდევ ერთხელ დაადასტურა, რომ გიორგის სიყვარული და მეხსიერება ოჯახისთვის უცვლელია:
„ეს დღე ყველასია, მაგრამ ჩვენი არა… ცაში კი არა, გულში ფრიალებ… რამდენი რამე მოხდა უშენოდ… მაგრამ ყველაფერი შენით იწყება… მიყვარხარ, გვიყვარხარ ჩვენო ზღაპრის გმირო, გოგიჩა ბაბუ.“
ნათია იხსენებს, რომ გიორგის გარდაცვალების შემდეგ ცხოვრება თითქოს უფერო და უფსონო გახდა, თუმცა გიორგი ყოველთვის მათი გულების ნაწილია. მისი შვილები — ნანუკა და ნინი, და შვილიშვილები, დღემდე ატარებენ იმ სიყვარულს, რომელსაც გიორგისგან იღებდნენ.
გიორგი გოგიჩაიშვილი დაიბადა 1968 წელს თბილისში. მას მხატვრული განათლება ჰქონდა მიღებული და ცნობილი იყო როგორც მრავალმხრივი არტისტი. განსაკუთრებული წარმატება მას ტელევიზიაში მოღვაწეობამ მოუტანა — საზოგადოებრივი მაუწყებელი, “იმედი”, “რუსთავი 2” და სხვა არხები მისი პროფესიული კარიერის მნიშვნელოვანი ეტაპებია.
გიორგის გარდაცვალების შემდეგ დარჩა ხსოვნა და თბილი მოგონებები, რომლებიც დღემდე აერთიანებს მის ოჯახს, მეგობრებსა და ერთგულ მაყურებლებს. მისი სახელით უკვე არაერთი საქველმოქმედო და კულტურული პროექტი განხორციელდა, რაც კიდევ ერთხელ ადასტურებს, რომ გოგიჩა ბაბუს მემკვიდრეობა დღესაც ცოცხლობს.
